Salhus Tricotagefabrik blei etablert i 1859, og i 2001 opna Norsk Trikotasjemuseum i dei gamle fabrikklokala. Salhus Tricotagefabrik er eit av dei 11 nasjonale industriminna som Riksantikvaren prioriterer.

Trikotasje betyr strikka tekstil, og fabrikken produserte plagg i bomull og ull fram til fabrikken stengde i 1989. Kanskje kjenner du varemerket KroneMaco, kvalitetsmerket på undertøyet som kjem herifrå? Opp gjennom åra har blitt produsert korte og lange undikkar, undertrøyer med kort eller lang arm, sportskler, sokkar, kluter og anna.

Eit besøk hos oss er eit besøk inn i den gamle strikkefabrikken. Kvar heile time er det omvising og du får høyre om produksjonen av plagga mens me demonstrerar maskinar. Me viser  filmen kor tidlegare arbeidarar fortel om korleis det var å jobbe på fabrikken. Filmen varar i 25 minutt og ei omvising i Salhus Tricotagefabrik tar mellom 30 og 45 minutt. Me har heis for dei som trenger det.

Me har også skiftande utstillingar, museumsbutikk og ein enkel kafé med heimelaga rundstykke og kaker. Desse har same opningstid som museet.

Barn i kulturminneløypa.

Barneomvising kvar søndag kl.13.00. Du kan også gå Kulturminneløypa. Gjennom 9 postar vandrar du i Salhus. Løypa startar utanfor fabrikken og barna kan ta med seg kart og oppgåver. Kart, oppgåver og premier til barna får du i kafeen på museet.

Eigne undervisningsopplegge for skular og barnehagar. Gratis undervisingsopplegg for skular.

Me held til i Salhusvegen 201, kun 8 minutt frå Ikea i Åsane i Bergen kommune.

Butikken Hjørnet i Salhus held ope onsdagar kl. 12-18. Sal av kunsthandverk. Butikken held til i det gamle veveriet like ved museet.