Onsdag 5. oktober vert Siri Benjaminsen si historie om Huldreduken hovudtema på handarbeidstreffet på Osterøy museum. Huldreduken er ein gamal, lang brodert linduk frå førreformatorisk tid som er i privat eiga. Siri Benjaminsen frå Årdal, tidlegare kommunearkitekt og no bonde, har fatta interesse for duken og har sett seg som oppgåve å laga ein heilt korrekt kopi. Ho deler tankar om dette tidkrevjande og utfordrande arbeidet med oss.

Elles faste postar som song, handarbeid, ideutveksling, hyggepreik, m.m. Vi held på frå kl 12 til kl 15.
Alle er velkomne!