I desember vert det kjendisbesøk på Havrå. Då blir det innspeling av den tysk-norske filmen “To liv” i tunet. Den kvinnelege hovudrolleinnehavaren er ingen ringare enn Liv Ullmann. I tillegg til Ullmann er og Sven Nordin på rollelista.
— Det blir kjempekult å få Liv Ullmann i tunet her på Havrå. For det første er ho ein stor skodespelar og regissør – og i tillegg verkar ho å vera eit veldig flott menneske. Det blir svært kjekt å helsa på henne, seier avdelingsleiar Marit Elisabeth Adelsten Jensen.